Monday, July 22, 2024
Homeक्रीडाआयसीसी क्रमवारीत हरमनप्रीत कौर पाचव्या स्थानी

आयसीसी क्रमवारीत हरमनप्रीत कौर पाचव्या स्थानी

नवी दिल्ली (वृत्तसंस्था) : इंग्लंडविरुद्धच्या मालिकेतील धडाकेबाज खेळीचा भारताची कर्णधार हरमनप्रीत कौरला फायदा झाला आहे. आयसीसीने जाहीर केलेल्या एकदिवसीय फलंदाजाच्या क्रमवारीत हरमनप्रीत कौर पाचव्या क्रमांकावर पोहचली आहे. इंग्लंडविरुद्ध दुसऱ्या एकदिवसीय सामन्यात हरमनप्रीत कौरने १४३ धावांची धमाकेदार फलंदाजी केली होती.

हरमनप्रीत कौरसह सलामीवीर स्मृती मन्धाना आणि दीप्ती शर्मा यांनाही क्रमवारीत फायदा झाला आहे.आयसीसीच्या ताज्या क्रमावारीनुसार, स्मृती मन्धाना आणि दीप्ती शर्माच्या क्रमावारीत एका क्रमाने सुधारणा झाली आहे. स्मृती मन्धाना सहाव्या तर, दिप्ती शर्मा २४व्या स्थानावर पोहचली आहे.

भारताची गोलंदाज पूजा वस्त्राकरलाही चार स्थानांचा फायदा झाला आहे. तिने ५३ व्या स्थानावरून ४९व्या स्थानावर झेप घेतली आहे. हरलीन देओलने मोठी झेप घेत ८१व्या स्थानावर पोहचली आहे. तीन सामन्याची एकदिवसीय मालिका खेळण्यासाठी इंग्लंडला गेलेल्या भारतीय संघाने यजमान संघाला ३-० अशी धूळ चारली. तब्बल २३ वर्षांनंतर भारतीय महिला संघाने इंग्लंडमध्ये एकदिवसीय मालिका जिंकली आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -