Sunday, July 14, 2024
Homeकोकणसिंधुदुर्गसिंधुदुर्ग कन्या पूर्वा गावडेला जलतरण मध्ये रौप्यपदक

सिंधुदुर्ग कन्या पूर्वा गावडेला जलतरण मध्ये रौप्यपदक

अहमदाबाद मध्ये ज्युनिअर मुलीच्या खेलो इंडिया राष्ट्रीय जलतरण स्पर्धेत मिळवले यश

सिंधुदुर्गनगरी (प्रतिनिधी): सिंधुदुर्ग कन्या पूर्वा संदीप गावडे हिने गुजरात-अहमदाबाद येथे झालेल्या ज्युनिअर मुलींच्या खेलो इंडिया राष्ट्रीय जलतरण स्पर्धेत दुसरा क्रमांक मिळवत आणखी एक रौप्यपदक पटकावले आहे. याबद्दल तिचे सर्वत्र अभिनंदन होत आहे . जुलै मध्ये गेल्याच महिन्यात ओडिशा-भुवनेश्वर येथे झालेल्या वॉटरपोलो स्पर्धेत महाराष्ट्र संघाचे प्रतिनिधित्व करताना दमदार कामगिरी करत राष्ट्रीय स्तरावर वॉटर पोलो स्पर्धेतही दुसरा क्रमांक मिळवत रौप्यपदक पटकावले होते.

त्यानंतर रविवारी अहमदाबाद येथे झालेल्या १८ वर्षाखालील ज्युनिअर मुलीच्या खेलो इंडिया राष्ट्रीय जलतरण स्पर्धेत २०० मीटर बटरफ्लाय मध्ये दुसरा क्रमांक पटकावला ऑलम्पिक जलतरणपट्टू वीरधवल खाडे यांच्या हस्ते प्रमाणपत्र व मेडल देऊन गौरविण्यात आले.

पूर्वा ही सिंधुदुर्ग जिल्ह्यातील सिंधुदुर्गनगरी-ओरोस येथे राहणारी असून ओरोस डॉन बॉस्को व पणदूर स्कुल मध्ये सातवी पर्यत शिक्षण घेतल्यानंतर पुणे बालेवाडी येथील क्रीडा प्रबोधिनी मध्ये प्रशिक्षक बालाजी केंद्रे यांच्याकडून जलतरण चे प्रशिक्षण घेत आहे त्यापूर्वी सिंधुदुर्गनगरी व जलतरण तलावात प्रवीण सुलोकार व दीपक सावंत यांच्याकडून प्रशिक्षण घेत होती पुणे येथे ती दहावी मध्ये शिक्षण घेत जलतरणचे प्रशिक्षण घेत आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -