नवी दिल्ली : केंद्रीय गुन्हे अन्वेषण विभागाने अर्थात ‘सीबीआय’ने रविवारी दिल्लीचे उपमुख्यंत्री मनीष सिसोदिया यांच्याविरोधात लुकआउट नोटीस जारी केली आहे. कथित अबकारी घोटाळ्याशी संबंधित उर्वरित आरोपींविरुद्धही ही नोटीस बजावण्यात आल्याचे सांगण्यात आले. जेणेकरून कोणीही देश सोडून जाऊ नये. यासंबंधीच्या वृत्तानुसार, सिसोदियांसह अन्य १३ जणांविरोधातही ही नोटीस जारी करण्यात आली आहे.
शुक्रवारी २० ऑगस्ट रोजी सकाळी दिल्लीच्या नव्या एक्साइज धोरणाच्या चौकशीप्रकरणी मनीष सिसोदिया यांच्या सरकारी निवासस्थानी सीबीआयने धाड टाकली होती. जवळपास १४ तास चाललेल्या या कारवाईत सिसोदियांचा मोबाइल व लॅपटॉप जप्त करण्यात आला होता. तपास अधिकाऱ्यांनी काही महत्वाचे दस्तावेजही आपल्यासोबत नेले होते.