मोदादिशू : सोमालियामध्ये मुंबईतील २६/११ दहशतवादी हल्ल्यासारखी घटना घडली आहे. मुंबईतील ताज हॉटेलप्रमाणेच दहशतवाद्यांनी सोमालियाची राजधानी मोदादिशूमधील हॉटेल हयातवर हल्ला केला आहे. दहशतवाद्यांनी आधी हॉटेलबाहेर स्फोट केला. त्यानंतर दहशतवादी गोळीबार करत हॉटेलमध्ये शिरले. हे सर्व दहशतवादी अल-कायदाशी संलग्न असलेल्या अल शबाब या संघटनेचे आहेत. या हल्ल्यात ११ जणांचा मृत्यू झाला आहे. तर ९ जणांना रुग्णालयात दाखल करण्यात आले आहे. अल-शबाब गटाने या हल्ल्याची जबाबदारी स्वीकारली आहे.
वृत्तसंस्था एएफपीशी या घटनेबाबत बोलताना सुरक्षा अधिकाऱ्याने सांगितले की, दहशतवादी अजूनही हॉटेल हयातमध्ये आहेत त्यांनी काही जणांना ओलीस ठेवले आहे आणि सुरक्षा दलांशी चकमक सुरू आहे. ते म्हणाले की, हॉटेल हयातवरील हल्ल्याची माहिती मिळाल्यानंतर सुरक्षा दल घटनास्थळी पोहोचले, त्यानंतर जिहादी गटाचे सैनिक आणि सुरक्षा दलांमध्ये चकमक झाली. हे बंदूकधारी हयात हॉटेलमध्ये घुसण्याच्या एक मिनिट आधी मोठा स्फोट झाला.
पोलीस मेजर हसन दाहीर यांनी सांगितले की, सुरक्षा दल आणि जिहादी गटामध्ये झालेल्या चकमकीत मोहादिशूचे गुप्तचर प्रमुख मुहिद्दीन मोहम्मद यांच्यासह दोन सुरक्षा अधिकारी जखमी झाले आहेत. तसेच, घटनेच्या वेळी उपस्थित लोकांच्या म्हणण्यानुसार, पहिल्या स्फोटानंतर काही मिनिटांनी दुसरा स्फोट झाला. या स्फोटांमुळे सुरक्षा दलाचे काही सदस्य आणि नागरिक जखमी झाले. एका व्यक्तीने सांगितले की, या घटनेनंतर आसपासच्या परिसरात नाकाबंदी करण्यात आली आहे.
दरम्यान, सोमालियात दहशतवादी संघटनेचा हा पहिला हल्ला नाही. याआधीही या दहशतवादी संघटनेने अनेक भीषण स्फोट घडवले आहेत.
व्हॅटिकन सिटी : रोमन कॅथलिक चर्चचे २६६ वे सर्वोच्च धर्मगुरु पोप फ्रान्सिस यांचे सोमवारी ८८…
महिलांना त्यांच्या पायांचे सौंदर्य वाढवण्यासाठी अँकलेट परिधान करायला फार आवडते. विवाहित महिलांसोबतच अविवाहित मुलींनाही अँकलेट…
मुंबई : लव रंजन आणि अंकुर गर्ग यांच्या लव फिल्म्सने ‘देवमाणूस’मधून मराठी सिनेसृष्टीत पदार्पण केले…
बंगळुरू : कर्नाटकचे माजी पोलीस महासंचालक अर्थात माजी डीजीपी ओम प्रकाश यांची राहत्या घरातच हत्या…
मुंबई : कोणे एके काळी राष्ट्रपती पुरस्कार विजेता ठरलेला पोलीस अधिकारी आता जन्मठेपेची शिक्षा भोगणार…
मुंबई : उन्हाळ्याची तीव्रता वाढू लागली आहे. कडक सूर्यप्रकाशात घराबाहेर पडणे त्रासदायक वाटू लागले आहे.…