सोनिया गांधींना दुसऱ्यांदा कोरोनाची लागण

नवी दिल्ली : काँग्रेस अध्यक्षा सोनिया गांधी यांना पुन्हा कोरोनाची लागण झाली आहे. काँग्रेसचे खासदार व सरचिटणीस जयराम रमेश यांनी यासंदर्भात ट्वीट करुन माहिती दिली. दरम्यान, सरकारने जारी केलेल्या नियमांनुसार त्या आयसोलेट झाल्या आहेत. तसेच संपर्कात आलेल्यांना काळजी घेण्याचे आवाहन करण्यात आले आहे. मागील तीन दिवसांपूर्वी काँग्रेस सरचिटणीस प्रियांका गांधी यांना देखील कोरोनाची लागण झाली होती. त्यानंतर आता सोनिया गांधी यांना दुसऱ्यांदा कोरोनाची लागण झाली आहे.

याआधी २ जून रोजी सोनिया गांधी यांना कोरोनाची लागण झाली होती. त्यावेळी त्यांना रुग्णालयात दाखल करण्यात आले होते. आता दुसऱ्यांदा सोनिया गांधी यांचा कोरोना रिपोर्ट पॉझिटीव्ह आला आहे.