Sunday, July 14, 2024
Homeक्रीडामहाराष्ट्र कुस्तीगीर परिषदेवर खा. रामदास तडस बिनविरोध

महाराष्ट्र कुस्तीगीर परिषदेवर खा. रामदास तडस बिनविरोध

अध्यक्षपदाच्या निवडणुकीतून दोघांची माघार

नवी दिल्ली (हिं.स.) : महाराष्ट्र कुस्तीगीर परिषदेच्या अध्यक्षपदाची धुरा आता वर्धेतील भाजपचे खासदार रामदास तडस यांच्याकडे येणार आहे. या संघटनेच्या अध्यक्षपदासाठी तीन उमेदवारी अर्ज आले होते. त्यापैकी दोघांनी अपली उमेदवारी मागे घेतली आहे. त्यामुळे तडस यांचा मार्ग मोकळा झाला आहे.

महाराष्ट्र कुस्तीगीर परिषदेच्या अध्यक्षपदी शरद पवार होते. काही दिवसांपासून या संघटनेची कार्यकारिणी बरखास्त करण्यात आली. त्यानंतर भारतीय कुस्ती संघटनेच्या नवी दिल्ली वार्षिक सर्वसाधारण बैठक झाली. यात महाराष्ट्र कुस्तीगीर परिषदेच्या निवडणुकीचा निर्णय घेण्यात आला. त्यानुसार अध्यक्षपदाच्या निवडणुकीसाठी ३ जणांनी अर्ज केले होते. त्यापैकी दोन जणांनी अर्ज मागे घेतल्यामुळे ही निवडणूक बिनविरोध पार पडणार आहे. काकासाहेब पवार आणि धवलसिंग मोहिते पाटील यांनी आपले अर्ज मागे घेतले असून खा. रामदास तडस यांची बिनविरोध निवड होणार आहे.

यापूर्वी शरद पवार हे महाराष्ट्र कुस्तीगीर परिषदेचे अध्यक्ष होते. महाराष्ट्र कुस्तीगीर परिषदेकडून कोणत्याही स्पर्धेचे आयोजन करण्यात येत नसल्यामुळे बरखास्त करण्यात आल्याचे भारतीय कुस्ती संघटनेचे सहाय्यक सचिव विनोद तोमर यांनी सांगितले होते. आम्ही १४ वर्षांखालील स्पर्धेचे आयोजन त्यांना करायला सांगत होतो, पण ऐनवेळी त्यांनी यासाठी नकार दिला. तसेच २०१९ मध्ये २३ वर्षांखालील स्पर्धेचे आयोजन करण्यासही ते तयार नव्हते असे तोमर म्हणाले होते. त्यानंतर आता पुन्हा महाराष्ट्र कुस्तीगीर परिषदेच्या अध्यक्षपदासाठी निवडणुका पार पडत आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -