Sunday, July 21, 2024
Homeताज्या घडामोडीआज मध्य-पश्चिम-हार्बर रेल्वेमार्गांवर मेगाब्लॉक

आज मध्य-पश्चिम-हार्बर रेल्वेमार्गांवर मेगाब्लॉक

मुंबई : पायाभूत सुविधांच्या देखभालीसाठी तसेच सिग्नल यंत्रणेची कामे करण्यासाठी रविवारी रेल्वेच्या तिन्ही मार्गावर मेगाब्लॉक घेण्यात येणार आहे.

मध्य रेल्वे – ठाणे ते कल्याण स्थानकादरम्यान अप -डाऊन जलद मार्गावर सकाळी १०.४० ते दुपारी ३.४० वाजेपर्यंत.

सीएसएमटी येथून सुटणाऱ्या डाऊन जलद/अर्ध जलद लोकल सेवा ठाणे आणि कल्याण स्थानकांदरम्यानच्या धीम्या मार्गावर वळवण्यात येतील. मात्र १० मिनिटे उशिराने गंतव्यस्थानावर पोहोचतील, तर कल्याण येथून सुटणाऱ्या अप जलद सेवा कल्याण आणि ठाणे स्थानकांदरम्यान अप धीम्या मार्गावर थांबवल्या जातील. पुढे मुलुंड येथे अप जलद मार्गावर वळवण्यात येतील आणि १० मिनिटे उशिराने गंतव्यस्थानावर पोहोचतील.

पश्चिम रेल्वे – चर्चगेट ते मुंबई सेंट्रल अप-डाऊन धीम्या मार्गावर सकाळी १०.३५ ते दुपारी ३.३५ वाजेपर्यंत.

या ब्लॉकदरम्यान अप-डाऊन धीम्या मार्गावरील लोकल सेवा चर्चगेट ते मुंबई सेंट्रल रेल्वे स्थानकांदरम्यान अप- डाऊन जलद मार्गावर वळवण्यात येतील. तसेच डाऊन दिशेच्या काही गाड्या रद्द.

हार्बर रेल्वे – सीएसएमटी-चुनाभट्टी/वांद्रे स्थानकादरम्यान अप-डाऊन मार्गावर सकाळी ११.१० ते दुपारी ४.१० वाजेपर्यंत.

सीएसएमटी येथून वाशी, बेलापूर, पनवेल, वांद्रे, गोरेगाव करिता सुटणारी डाऊन हार्बर मार्गावरील सेवा रद्द. तसेच पनवेल, बेलापूर, वाशी येथून सीएसएमटीसाठी सुटणारी अप हार्बर मार्गावरील सेवा आणि गोरेगाव, वांद्रे येथून सीएसएमटीसाठी सुटणारी अप हार्बर मार्गावरील सेवा रद्द. या ब्लॉक कालावधीत पनवेल आणि कुर्ला दरम्यान विशेष सेवा.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -