मुंबई : पेट्रोल-डिझेरच्या दरवाढीने सर्वसामान्यांचे कंबरडे मोडलेले असताना आता सीएनजी आणि पीएनजीच्या दरात (घरगुती पाईपलान गॅस) आज मध्यरात्रीपासून मोठी वाढ झाली आहे. त्यानुसार, आता सीएनजीचा दर ८० रुपये प्रतिकिलो तर पीएनजीचा दर ४८.५० रुपये इतका झाला आहे. महानगर गॅस लिमिटेडने ही माहिती दिली.
आंतरराष्ट्रीय बाजारात नॅचरल गॅसच्या दरात वाढ झाली आहे. तसेच घरगुती गॅस सिलिंडरच्या पुरवठ्यात अडचण येत असल्याने पाईप गॅस बरोबरच सीएनजीच्या दरात वाढ करण्याचा निर्णय महानगर गॅस लिमिटेडने घेतला आहे. या दरावाढीनुसार, सीएनजीच्या दरात चार रुपयांनी तर पीएनजीच्या दरात प्रतिघनमीटर तीन रुपयांनी वाढ करण्यात आली आहे.