Monday, July 15, 2024
Homeताज्या घडामोडीगोवा काँग्रेसला मोठे खिंडार; ११ पैकी ९ आमदार भाजपच्या वाटेवर

गोवा काँग्रेसला मोठे खिंडार; ११ पैकी ९ आमदार भाजपच्या वाटेवर

पणजी : महाराष्ट्रातील शिवसेना पक्षानंतर आता गोव्यातील काँग्रेस पक्ष धोक्यात आहे. काँग्रेसचे ९ आमदार भाजपच्या वाटेवर असल्याची माहिती मिळत आहे. गोव्यात काँग्रेस विधिमंडळ गटात मोठी फूट पडली असून काँग्रेस आमदार भाजपात प्रवेश करण्याची शक्यता आहे.

भाजप श्रेष्ठींकडूनही यासाठी हिरवा कंदील मिळाल्याची माहिती समोर येत आहे. आज गोव्यातील राजकीय हालचाली गतीमान झाल्या असून सायंकाळपर्यंत ९ ते १० आमदारांचा हा गट भाजपात प्रवेश करण्याची शक्यता आहे. गोवा विधानसभेचे पावसाळी अधिवेशन सोमवार ११ जुलैपासून सुरू होत आहे.

या पार्श्वभूमीवर गोव्याच्या राजकीय क्षेत्रात खळबळ उडून देणाऱ्या हालचाली सुरू झाल्या आहेत. शनिवारी या हालचालींचा सुगावा लागल्यानंतर काँग्रेसचे गोवा प्रभारी दिनेश गुंडु राव यांनी तातडीने याची दखल घेतली. त्यांनी आमदारांचे मन वळविण्याचा प्रयत्न केला. मात्र विरोधी पक्ष नेते मायकल लोबो यांच्यासह अन्य ९ काँग्रेस आमदार असे एकूण दहा जणांचा गट भाजपात विलीन करण्याबाबत ठाम असल्याची माहिती समोर येत आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -