हिमाचलप्रदेशात बस दरीत कोसळून १६ जणांचा मृत्यू

  36

मनाली (हिं.स.) : हिमाचल प्रदेशच्या कुल्लू येथे बस दरीत कोसळून झालेल्या भीषण अपघातात १६ जण मृत्यूमुखी पडले आहे. कुल्लूमध्ये शैनशारहून सैंजच्या दिशेने येणारी खासगी बस जंगला गावाजवळ रस्त्यावरून घसरली, त्यामुळे हा भीषण अपघात घडला. मृतकांमध्ये काही शाळकरी मुलांचाही समावेश आहे.


यासंदर्भातील माहितीनुसार कुल्लू जिल्ह्यातील शैनशारमध्ये एका खाजगी बसचा अपघात झाला. बस जंगला गावापासून जवळपास २०० मीटर अंतरावर रस्त्यावरुन दरीत कोसळली. दुर्घटनेत १६ प्रवाशांचा मृत्यू झाला आहे. तसेच, या प्रवाशांमध्ये शाळकरी मुलांचाही समावेश आहे. जखमींमध्ये बसच्या चालकाशिवाय प्रवाशांचा समावेश आहे. अपघातग्रस्त बस रस्त्यावरुन तब्बल २०० मीटरपर्यंत खोल दरीत कोसळली. ही दुर्घटना सोमवारी सकाळी ८ वाजून ४५ मिनिटांनी घडली. बस शैनशारहून औटच्या दिशेने जात होती.


कुल्लूचे उपायुक्त आशुतोष गर्ग यांनी सांगितले की, बस अपघातात १६ जणांचा मृत्यू झाला आहे. तीन जण जखमी झाले आहेत. जखमींना रुग्णालयात दाखल करण्यात आले आहे. दरम्यान पंतप्रधान नरेंद्र मोदी यांनी या दुर्दैवी अपघाताबद्दल शोक व्यक्त केला आहे. यासंदर्भात ट्वीटरवर संदेश जारी करत पंतप्रधान म्हणाले की, या दु:खद प्रसंगी माझ्या शोकसंवेदना शोकाकुल कुटुंबियांसोबत आहेत. मला आशा आहे की, जे जखमी आहेत त्यांच्या प्रकृतीत लवकरात लवकर सुधारणा होईल.


स्थानिक प्रशासन पीडितांना सर्वोतोपरी मदत करत आहे. यासोबत पंतप्रधानांनी या अपघातात प्राण गमावलेल्यांच्या वारसांना पंतप्रधान राष्ट्रीय मदत निधीमधून प्रत्येकी २ लाख रुपयांची सानुग्रह मदत मंजूर केली आहे. तर जखमींना प्रत्येकी ५० हजार रुपयांची मदत जाहीर केली आहे.

Comments
Add Comment

शेतकऱ्यांचे नुकसान होऊ देणार नाही- पंतप्रधानांची ग्वाही, अमेरिकेच्या ५० टक्के टॅरिफवर व्यक्त केला वज्र निर्धार

अहमदाबाद : शेतकरी, लघु उद्योजक आणि पशुपालकांचे हित हेच माझ्यासाठी सर्वोच्च असल्याचे आश्वासन पंतप्रधान नरेंद्र

पंतप्रधान मोदींची पदवी सार्वजनिक करण्याचे आदेश दिल्ली हायकोर्टाने केले रद्द

नवी दिल्ली : पंतप्रधान नरेंद्र मोदी यांची पदवीची माहिती सार्वजनिक करण्याचे केंद्रीय माहिती आयोगाने (सीआयसी)

भटक्या कुत्र्याचा पाच वर्षांच्या मुलावर हल्ला

नवी दिल्ली : दिल्लीच्या शकरपूर भागात भटक्या कुत्र्याने पाच वर्षांच्या मुलावर हल्ला केला. या हल्ल्यात मुलगा

जैसलमेरमध्ये खोदकामात आढळले २०१ दशलक्ष वर्षांपूर्वीच्या फायटोसॉरचे जीवाश्म

जैसलमेर: राजस्थानमधील एका गावात तलावाजवळ डायनासॉर काळातील जीवाश्म सापडले असल्याची चर्चा काही दिवसांपासून सुरू

संघाची जोधपूरमध्ये ५ ते ७ सप्टेंबरदरम्यान बैठक

नवी दिल्ली : राष्ट्रीय स्वयंसेवक संघाची वार्षिक अखिल भारतीय समन्वय बैठक यंदा ५ ते ७ सप्टेंबर या कालावधीत

हैदराबादमध्ये क्रौर्याचा कळस! पतीने गर्भवती पत्नीची हत्या करून मृतदेहाचे केले तुकडे

हैदराबाद: तेलंगणाची राजधानी हैदराबादमध्ये एका अत्यंत धक्कादायक घटनेने सगळ्यांनाच हादरवून सोडले आहे. एका पतीने