मुंबई : संजय राऊत यांना ईडीकडून समन्स बजावण्यात आले होते. मात्र, राऊत यांनी ईडीसमोर चौकशीला हजेरी लावली नाही. त्यामुळे आता पुन्हा एकदा राऊत यांना ईडीने दुसरे समन्स बजावत १ जुलै रोजी चौकशीसाठी हजर राहण्यास सांगितले आहे.
पत्राचाळ जमीन खरेदी घोटाळा प्रकरणी हे समन्स बजावण्यात आले. संजय राऊत यांना चौकशीला हजर राहण्याचे आदेशही देण्यात आले होते. मात्र, संजय राऊत यांनी अलिबाग मेळावा आणि अन्य काही कारणास्तव चौकशीला हजर राहणार नसल्याचे सांगितले होते. तसेच उत्तर दाखल करण्यासाठी मुदत मिळावी, अशी विनंती केली होती. संजय राऊत यांच्यावतीने त्यांचे वकील ईडी कार्यालयात हजर झाले.
नवीन समन्सनुसार संजय राऊत यांना चौकशीसाठी १ जुलै रोजी ईडीसमोर हजर राहण्यास सांगण्यात आले आहे. यावेळी विचारलेल्या कागदपत्रांची पूर्तता करावी, असेही ईडीने म्हटले आहे.
