Thursday, July 25, 2024
Homeमहत्वाची बातमीभुजबळांना कोरोनाची लागण ट्वीट करत दिली माहिती

भुजबळांना कोरोनाची लागण ट्वीट करत दिली माहिती

मुंबई : राज्यात एकीकडे राजकीय सत्तानाट्य दिसत असताना दुसरीकडे राज्यातील मंत्र्यांचा कोरोना रिपोर्ट एकापाठोपाठ पॉझिटिव्ह येत आहे. महाविकास आघाडीतील दोन मंत्र्यांना कोरोनाची लागण झाली आहे. दुपारी राज्याचे उपमुख्यमंत्री अजित पवार यांचा कोरोना रिपोर्ट पॉझिटिव्ह आला होता. त्यानंतर आता राष्ट्रवादीचे नेते छगन भुजबळ यांनादेखील कोरोनाची लागण झाल्याचे समोर आले आहे. ट्वीट करत छगन भुजबळ यांनी ही माहिती दिली आहे.

आपल्याला कोरोनाची लागण झाली असल्याची माहिती देताना भुजबळ यांनी ट्वीट केले आहे की, माझी कोरोना चाचणी पॉझिटिव्ह आली असून माझी प्रकृती उत्तम आहे. डॉक्टरांच्या सल्ल्यानुसार वैद्यकीय उपचार सुरू असून आपणा सर्वांच्या आशिर्वादाने कोरोनावर मात करून लवकरच मी बरा होईल, असे ते म्हणाले आहेत.

त्यांनी गेल्या काही दिवसांत त्यांच्या संपर्कात आलेल्या व्यक्तींनी काळजी घ्यावी व लक्षणे दिसल्यास तात्काळ कोरोना चाचणी करून घ्यावी, असं सांगितले आहे. तसेच सर्वांनी कायम मास्क लावा आणि आपली व आपल्या परिवाराची काळजी घ्या, असे आवाहन ही त्यांनी नागरिकांना केले आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -