Wednesday, July 24, 2024
Homeमहाराष्ट्रठाणेठाण्यात महिला शिवसैनिकांचा भाजपात प्रवेश

ठाण्यात महिला शिवसैनिकांचा भाजपात प्रवेश

ठाणे : भाजपाने मंगळवारी शिवसेनेला पुन्हा जोरदार धक्का दिला. शिवसेनेच्या महिला आघाडीच्या उपशहर संघटक संध्या सुरेश साळुंखे यांच्या नेतृ्त्वाखाली अनेक महिला शिवसैनिकांनी भाजपात प्रवेश केला. भाजपाच्या कार्याला सर्वपक्षीय कार्यकर्त्यांकडून पसंती मिळत असल्यामुळे प्रवेशाची मालिका सुरूच असल्याचे आमदार व जिल्हाध्यक्ष निरंजन डावखरे यांनी सांगितले.

भाजपाच्या खोपट येथील कार्यालयात झालेल्या कार्यक्रमात महिला शिवसैनिकांचे स्वागत करण्यात आले. या वेळी आमदार निरंजन डावखरे, आमदार संजय केळकर, माजी गटनेते मनोहर डुंबरे, महिला मोर्चाच्या अध्यक्षा मृणाल पेंडसे, माजी नगरसेवक सुनेश जोशी, सरचिटणीस विलास साठे, कैलास म्हात्रे, मनोहर सुखदरे आदींची उपस्थिती होती. या वेळी काही पदांवर कार्यकर्त्यांच्या नियुक्त्याही करण्यात आल्या.

भाजपाच्या महिला मोर्चाच्या शहर उपाध्यक्षपदी संध्या साळुंके यांची नियुक्ती करण्यात आली. तर माजी नगरसेवक सुधीर बर्गे यांची जिल्हा उपाध्यक्षपदी, शशिकांत नगीन साळवी व निलेश गोवर्धन भगत यांची चिटणीसपदी, गजेंद्र तोमर यांची कार्यकारिणी सदस्यपदी आणि आयटी सेलच्या संयोजकपदी प्रणय गावकर यांची नियुक्ती करण्यात आली.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -