Saturday, July 20, 2024
Homeदेशराम मंदिरासाठीच्या देणगीतील दोन हजार चेक बाऊन्स

राम मंदिरासाठीच्या देणगीतील दोन हजार चेक बाऊन्स

विहिपच्या अहवालातून धक्कादायक माहिती उघड

अयोध्या : भाजपासोबत हिंदू संघटनांच्या कार्यकर्त्यांनी देशाच्या कानाकोपऱ्यात जाऊन मंदिरासाठी देणगी गोळा केलेली. काहींनी रोख रक्कम देणगी स्वरुपात दिली होती. तर काहींनी चेक स्वरुपात देणगी देणे पसंत केले होते. मात्र चेक दिलेल्या हजारो देणगीदारांपैकी तब्बल दोन हजार देणगीदारांचे चेक बाऊन्स झाल्याने खळबळ उडाली आहे. विश्व हिंदू परिषदेच्या अहवालामधून ही धक्कादायक माहिती समोर आली आहे.

राम मंदिरासाठी एकूण ३ हजार ४०० कोटी रुपयांचा निधी गोळा झाला आहे. पण मोठ्या प्रमाणात जमा झालेल्या चेक स्वरुपातला निधी हा प्रत्यक्षात मिळालाच नसल्याचेही अहवालातून स्पष्ट झाले आहे. दोन हजार चेकच्या माध्यमातून एकूण बावीस कोटी रुपयांची देणगी गोळा करण्यात आली होती. पण चेक बाऊन्स झाल्याने राम मंदिर ट्रस्टला बावीस कोटी रुपयांचा चुना लागल्याची चर्चा आता रंगली आहे.

विशेष म्हणजे राम मंदिराच्या जमीन व्यवहारातही घोटाळा झाल्याचा आरोप करण्यात आलेला होता. आप खासदार संजय सिंह यांनी याबाबत आरोप केला होता. राम जन्मभूमी ट्रस्टचे चंपत राय यांनी दोन कोटीची जमीन १८ कोटी रुपयांना खरेदी केल्याचा आरोप करण्यात आलेला. यावरुही बराच वाद झाला होता. त्यानंतर ट्रस्टच्या वतीने हे आरोप फेटाळण्यात आले होते.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -