भारताच्या महिला रायफल संघाला सुवर्णपदक

  96

नवी दिल्ली (वृत्तसंस्था) : भारतीय महिला संघाने मंगळवारी अजरबैजानमधील बाकू येथे आयोजित ‘आयएसएसएफ’ विश्वचषक स्पर्धेत सुवर्णपदकाचा बहुमान पटकावला. रमिता, ईलाव्हेनिल वालारिवान आणि श्रेया अग्रवालने अचूक नेम साधून महिलांच्या सांघिक १० मीटर एअर रायफल प्रकारात सुवर्णपदकाचा वेध घेत भारताच्या पदकांचे खाते उघडले.


भारतीय महिला संघाने फायनलमध्ये डेन्मार्कचा १७-५ ने पराभव केला. त्यामुळे भारतीय महिला संघाला सोनेरी यश संपादन करता आले. सुवर्णपदकाच्या लढतीत भारतीय महिला त्रिकुटाने डेन्मार्कच्या अॅना निलसन, एमा कूच आणि रिकी माएंग इब्सनला १७-५ असे नमवले. या गटात पोलंड महिला संघ तिसऱ्या स्थानावर राहिला.


दुसरीकडे, महाराष्ट्राच्या युवा नेमबाज रुद्रांक्ष पाटीलसह पार्थ मखिजा आणि धनुष श्रीकांत हे एअर रायफल टीम इव्हेंटमध्ये चौथ्या स्थानी राहिले. भारताच्या पुरुष संघाला या गटाच्या लढतीत क्रोएशियाकडून पराभव पत्कारावा लागला.


माजी अग्रमानांकित वालारिवान, रमिता आणि श्रेया यांनी सोमवारी दोन टप्प्यांच्या पात्रता फेरीतून अंतिम फेरीत धडक मारली होती. भारतीय महिलांनी पहिल्या टप्प्याच्या पात्रता फेरीत ९० फैरींमध्ये ९४४.४ गुणांची कमाई करत अव्वल स्थान मिळवले. त्यानंतर दुसऱ्या टप्प्यात डेन्मार्कपाठोपाठ दुसरे स्थान मिळवत भारतीय संघ अंतिम फेरीसाठी पात्र ठरला होता.

Comments
Add Comment

जागतिक बॅडमिंटन स्पर्धेत पी. व्ही. सिंधूचा प्रवास उपांत्यपूर्व फेरीतच थांबला

पॅरिस : भारताची स्टार बॅडमिंटनपटू आणि दोन वेळा ऑलिंपिक पदक विजेती पी. व्ही. सिंधूचे जागतिक बॅडमिंटन चॅम्पियनशिप

आशिया कप २०२५ पूर्वी बीसीसीआयमध्ये मोठे बदल, राजीव शुक्ला बनले हंगामी अध्यक्ष

मुंबई : एशिया कप 2025 मध्ये भारताचा पहिला सामना 10 सप्टेंबर रोजी यूएई विरुद्ध होणार आहे,त्याला सुरू होण्यास आता दोन

Lionel Messi: लिओनेल मेस्सीचे निवृत्तीचे संकेत... ४ सप्टेंबर रोजी खेळणार शेवटचा घरगुती सामना!

बुएनोस आइरेस: फुटबॉलचा जादूगार लिओनेल मेस्सीने निवृत्तीचे संकेत देत, जगभरातील त्याच्या लाखो चाहत्यांना धक्का

Diamond League 2025 Final : नीरज चोप्रा दुसऱ्या स्थानावर, ज्यूलियन वेबरने जिंकले विजेतेपद

झुरिच: भारताचा स्टार भालाफेकपटू नीरज चोप्राला स्वित्झर्लंडमधील झुरिच येथे झालेल्या डायमंड लीग २०२५ च्या अंतिम

मुस्लिम असल्याने मला ट्रोल करतात : शमी

मुंबई (प्रतिनिधी) : भारतीय संघातील अनुभवी वेगवान गोलंदाज मोहम्मद शमीने अगामी आशिया चषकासाठी निवड न झाल्याबद्दल

पीव्ही सिंधू बॅडमिंटन वर्ल्ड चॅम्पियनशिपच्या क्वार्टर फायनलमध्ये

पॅरिस : दुहेरी ऑलिंपिक पदक विजेती पीव्ही सिंधूने बीडब्ल्यूएफ बॅडमिंटन वर्ल्ड चॅम्पियनशिपच्या क्वार्टर