Sunday, July 21, 2024
Homeमहाराष्ट्रपालघरजिलेटीन काडतूसचा वापर करून मासेमारी

जिलेटीन काडतूसचा वापर करून मासेमारी

सूर्या नदीपात्रात पानमांजराचा जीव धोक्यात

बोईसर (वार्ताहर) : बोईसर पूर्वेला असलेल्या सूर्यानदीच्या पात्रात गेल्या काही दिवसांपासून जिलेटीन काडतूसचा वापर करून मासेमारी केली जात आहे. तसेच नदी पात्रातील पाणी कमी झाल्याने मासेमारीसाठी घातक औषधांचा वापर केला जात असल्याने लाखोंच्या संख्येने लहान मासे मृत होत असून, त्याचा थर पाण्यावर तरंगत आहे. याच नदीपात्रात काही दिवसांपासून पानमांजराचा वावर दिसून आल्याने संबधित प्रकारांनी या प्राण्याचा जीव धोक्यात आल्याचे स्पष्ट होत आहे.

सूर्या नदीपात्रात मासवन गावच्या हद्दीत दुर्मिळ पाणमांजराचा वावर आढळून आल्याने सूर्या नदी प्रदूषणापासून मुक्त आणि नदीत प्राण्यांचा नैसर्गिक अधिवास टिकून असल्याचे समाधान पर्यावरणप्रेमी, नागरिक जरी व्यक्त करीत असले तरी नदीपात्रात स्फोटके आणि कीटकनाशकांचा वापर करून अवैध मासेमारी केली जात असल्याने संरक्षित पाणमांजराचे संरक्षण करण्याची नितांत गरज आहे.

नदीपात्रात जिलेटीनचा वापर करून मासेमारी केली जात आहे ते प्रमाण आता दिवसेंदिवस वाढतच आहे. पण हे जिलेटीन देणारे आहेत तरी कोण? या सूर्या नदीच्या मारेकऱ्यांचा शोध घेण्यासाठी पोलीस यंत्रणेकडून प्रयत्न करणे गरजेचे आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -