Sunday, July 14, 2024
Homeमहाराष्ट्रकोकणआमदार नितेश राणे यांचा ओरिएंटल स्कूल ऑफ मॅनेजमेंटला दणका

आमदार नितेश राणे यांचा ओरिएंटल स्कूल ऑफ मॅनेजमेंटला दणका

१२० विद्यार्थ्यांना परीक्षेला बसणाची मुभा

नवी मुंबई (प्रतिनिधी) : नवी मुंबई येथील ओरिएंटल स्कूल ऑफ बिजनेस मॅनेजमेंट कॉलेजच्या मॅनेजमेंटला भाजप आमदार नितेश राणे यांनी दणका दिल्यानंतर १२० विद्यार्थ्यांना आता परीक्षेला बसण्याची मुभा प्राप्त झाली आहे.

नवी मुंबई येथील वाशी-सेक्टर १२ येथील ओरिएंटल स्कूल ऑफ बिजनेस मॅनेजमेंट कॉलेजच्या १२० विद्यार्थ्यांना कोविडच्या कारणामुळे पूर्ण फी भरता आली नव्हती. महाराष्ट्रातील आणि कोकण-देवगड येथील हे १२० विद्यार्थी परीक्षेला बसण्यापासून वंचित राहणार होते. यामुळे त्यांचे वर्षही वाया जाणार होते. मात्र आमदार नितेश राणे यांच्या दणक्यानंतर या विद्यार्थ्यांना परीक्षेला बसण्याची संधी प्राप्त झाली आहे.

परीक्षेला बसण्याची परवानगी दिल्यामुळे १२० विद्यार्थ्यांचे शैक्षणिक नुकसान होण्यापासून वाचले आहे. कोविडच्या कारणामुळे कॉलेजची पूर्ण फी भरता आली नसल्याने अशा विद्यार्थ्यांना परीक्षेपासून वंचित राहावे लागणार होते. मात्र भाजपचे आमदार नितेश राणे यांच्या प्रयत्नाने कॉलेजचे डायरेक्टर अंकूश गोयल यांनी या सर्व १२० मुलांना परीक्षेला बसण्याची परवानगी दिली.

विद्यार्थ्यांमध्ये यामुळे आनंदाचे वातावरण असून यामुळे महाराष्ट्रातील १२० विद्यार्थ्यांचे शैक्षणिक भवितव्य जपले गेले आहे. आमदार नितेश राणे यांच्या मोलाच्या प्रयत्नामुळे सर्व विद्यार्थ्यांकडून त्यांचे आभार व्यक्त करण्यात येत आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -