Monday, July 15, 2024
Homeकोकणरत्नागिरीएक जूनपासून यांत्रिकी नौकांना सागरी मासेमारी बंदी

एक जूनपासून यांत्रिकी नौकांना सागरी मासेमारी बंदी

बंदी कालावधीत उल्लंघन केल्यास कारवाई

रत्नागिरी (हिं. स.) : महाराष्ट्र सागरी मासेमारी नियमन अधिनियम आणि सुधारणा अध्यादेशान्वये यावर्षी येत्या १ जूनपासून ३१ जुलैपर्यंत महाराष्ट्र राज्याच्या क्षेत्रीय सागरी क्षेत्रात यांत्रिक नौकांनी मासेमारी करण्यास बंदी घालण्यात आली आहे. या बंदी कालावधीत सागरी कायद्याचा भंग करुन मासेमारी करणारे मच्छिमार खालील कारवाईस पात्र होतील, असे सूचित करण्यात आले आहे.

ही पावसाळी मासेमारी बंदी यांत्रिक मासेमारी नौकांना लागू राहील. पारंपरिक पद्धतीने मासेमारी करणाऱ्या बिगरयांत्रिकी नौकांना ती लागू राहणार नाही. राज्याच्या सागरी जलधी क्षेत्राबाहेर म्हणजे सागरी किनाऱ्यापासून १२ सागरी मैलांच्या पुढे खोल समुद्रात मासेमारीस जाणाऱ्या नौकांना केंद्र शासनाच्या खोल समुद्रातील मासेमारीबाबतचे आदेश लागू राहतील. सागरी जलधी क्षेत्रात यांत्रिक मासेमारी नौका पावसाळी मासेमारी बंदी कालावधीत मासेमारी करताना आढळल्यास नौका, नौकेवर बसविलेली उपसाधने आणि मासेमारी सामग्री तसेच त्यामध्ये सापडलेली मासळी जप्त करण्यात येईल. तसेच जास्तीत जास्त कठोर शिक्षा केली जाईल.

सर्व मच्छिमारी सहकारी संस्था, त्यांचे नौकामालक सभासद आणि अन्य संबंधितांनी याची नोंद घेऊन विहित बंदी कालावधीत यांत्रिकी नौकांद्वारे सागरात मासेमारी केली जाणार नाही, याची दक्षता घ्यावी. असे आवाहन मत्स्यव्यवसाय सहाय्यक आयुक्तांनी केले आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -