नवीन पनवेल : भरधाव वेगाने घेऊन जात असलेल्या ट्रेलर चालकाचा ताबा सुटून ट्रेलर पलटी होत असताना त्याखाली एक पादचारी सापडल्याने त्यात त्याचा दुर्दैवी मृत्यू झाल्याची घटना पनवेल जवळील पळस्पे फाटा येथे घडली आहे.
गोवा मुंबई महामार्गावर पळस्पे फाटा येथे एका ट्रेलर चालकाचा ट्रेलरवरील ताबा सुटून तो पलटी होत असताना पादचारी श्रीमंत हसनअप्पा कांबळे (वय ६०) हे त्याखाली सापडून त्यात त्यांचा मृत्यू झाला.
या घटनेनंतर मोठ्या प्रमाणात वाहतूक कोंडी झाली होती. या अपघाताची नोंद पनवेल शहर पोलीस ठाण्यात करण्यात आली आहे.
