Sunday, July 14, 2024
Homeमहाराष्ट्रठाणेमुंब्रा येथील ३ पोलीस अधिकारी, ७ पोलीस कर्मचारी निलंबित

मुंब्रा येथील ३ पोलीस अधिकारी, ७ पोलीस कर्मचारी निलंबित

ठाणे (प्रतिनिधी) : खेळणी व्यापारी फैजल मेमन याच्या घरी धाड टाकून ३० कोटींच्या रकमेचे बॉक्स पोलीस ठाण्यात नेणाऱ्या मुंब्रा पोलिसांचे कनेक्शन उघड झाल्यानंतर बुधवारी ठाणे पोलीस आयुक्तालयातून मुंब्य्रातील ३ पोलीस अधिकारी व ७ पोलीस कर्मचाऱ्यांना निलंबित करण्यात आल्याचे निदर्शनास आले आहे.

मुंब्य्राच्या बॉम्बे कॉलनीत राहणारे खेळण्यांचे व्यापारी फैजल मेमन यांच्या घरी १२ एप्रिल रोजी मध्यरात्री मुंब्रा पोलिसांनी खोटी धाड टाकली. याबाबत इब्राहिम शेख याने ठाणे पोलीसआयुक्तालयासह गृहखात्याला पत्र लिहून माहिती दिली. खेळण्याच्या बॉक्समध्ये भरून आणलेली ही रक्कम तत्कालीन मुंब्रा पोलीस ठाण्याचे निरीक्षक (गुन्हे) गीताराम शेवाळे, पोलीस निरीक्षक हर्षद काळे, रवीराज मदने, पो. ना. पंकज गायकर, दीपक किरपण, पो. शि. गावीत अशा १० कर्मचाऱ्यांनी छापेमारी केली होती. अखेर बुधवारी ३ पोलीस अधिकारी व ७ पोलीस कर्मचारी यांना निलंबित करण्यात आले आहे.

दरम्यान या प्रकरणी मुंब्य्राचे सध्याचे व. पो. नि. अशोक कडलक आणि सहा. आयुक्त व्यंकटेश आंधळे हे देखील चौकशीच्या फेऱ्यात अडकले आहेत. या दोघांची विभागीय चौकशी पोलीस उपायुक्तांमार्फत करण्यात येणार आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -