Friday, July 19, 2024
Homeमहत्वाची बातमीद. आफ्रिकेत अतिवृष्टीमुळे हाहाःकार

द. आफ्रिकेत अतिवृष्टीमुळे हाहाःकार

३०६ लोकांचा मृत्यू, मोठी वित्तहानी

केप टाऊन : दक्षिण आफ्रिकेतील डर्बन शहर आणि पूर्वेकडील क्वाझुलु-नाताल प्रांतात अतिवृष्टीचा जोरदार तडाखा बसला आहे. या भागात निर्माण झालेल्या पूरस्थितीमुळे सुमारे ३०६ लोकांचा मृत्यू झाल्याची माहिती आहे. पुढील काही दिवस ही परिस्थिती कायम राहण्याचा अंदाज वर्तवण्यात आला आहे. त्यामुळे आणखी जीवितहानी होण्याची शक्यता आहे.

संततधार पावसामुळे पाणी ओसरण्यात अडचणी येत आहेत. अनेक घरे कोसळली असून इमारतींचेही मोठ्या प्रमाणावर नुकसान झाले आहे. इथाक्विनीचे महापौर मॅकिलोसी कुंडा यांनी गुरुवारी सांगितले की, डर्बन आणि आसपासच्या इथाक्विनी महानगर क्षेत्रात सुमारे ५२ दशलक्ष डॉलरचे नुकसान झाल्याचा अंदाज आहे.

सुमारे १२० शाळा पुराच्या पाण्याने वेढल्या आहेत. या परिस्थितीमुळे प्रशासनाने शाळा तात्पुरत्या बंद केल्या आहेत. शिक्षण मंत्री अँजी मोशेगा यांनी सांगितले की, पुरामुळे विविध शाळांमधील सुमारे १८ विद्यार्थी आणि एका शिक्षकाचा मृत्यू झाला आहे. ही एक दु:खद बाब आहे आणि यामुळे भयंकर नुकसान झाले आहे. हा चिंतेचा विषय आहे. पावसाचा जोर कायम राहणार असून बाधित भागातील परिस्थिती आणखी बिकट होण्याची शक्यता आहे.

प्रशासनाने दिलेल्या माहितीनुसार, अनेक कुटुंबे बेपत्ता असल्याने मृतांचा आकडा वाढण्याची शक्यता आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -