Monday, July 22, 2024
Homeताज्या घडामोडीतारापूर औद्योगिक वसाहतीमधील निर्भया रसायन कारखान्याला भीषण आग

तारापूर औद्योगिक वसाहतीमधील निर्भया रसायन कारखान्याला भीषण आग

आगीत कारखाना जळून खाक

बोईसर (वार्ताहर) : तारापूर औद्योगिक वसाहतीमधील निर्भया रसायन या कारखान्याला लागलेल्या आगीत कारखाना जळून खाक झाला आहे. मंगळवारी रात्री साडे दहा वाजताच्या सुमारास उत्पादन प्रक्रियेच्या दरम्यान आग लागली होती. अग्निशमन दलाच्या जवानांनी केलेल्या अथक प्रयत्नांनंतर बुधवारी पहाटे आगीवर नियंत्रण मिळवण्यात अग्निशमन दलाच्या जवानांना यश आले आहे.

दरम्यान, कारखान्याला लागलेल्या आगीचे कारण अद्याप स्पष्ट झालेले नाही. कारखान्याला लागलेल्या आगीच्या ज्वाळा आणि धूर काही किलोमीटर अंतरावरून दिसून येत होता. दरम्यान, प्रसंगावधान राखत कारखान्यातील २१ कामगार कारखान्यातून बाहेर पडले. त्यामुळे जीवितहानी झाली टळली. तथापि, कारखान्याचे मात्र प्रचंड नुकसान झाले आहे.

तारापूर औद्योगिक वसाहतीच्या प्लाट क्रमांक एन ९६ मधील निर्भया रसायन प्रा. लि. कारखान्यात सीपीसी ब्लू डाईज नावाचे रसायनाचे उत्पादन घेतले जाते. मंगळवारी (दि. ८ मार्च) रात्री साडेदहा वाजताच्या सुमारास उत्पादन प्रक्रिया सुरू असताना कारखान्याला भयानक आग लागली होती. आगीने काही वेळातच रौद्ररूप धारण केले होते. आगीवर नियंत्रण मिळवण्यासाठी एमआयडीसी अग्निशमन दलाचे तीन बंब, भाभा अणुशक्ती केंद्र आणि पालघर नगर परिषदेचा एक मिळून पाच बंब घटनास्थळी दाखल झाले होते. अग्निशमन दलाच्या जवानांच्या शर्थीच्या प्रयत्नांनंतर पहाटे पाच वाजता आगीवर नियंत्रण मिळवण्यात यश आले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -