नवी दिल्ली : पंतप्रधान नरेंद्र मोदींनी नेदरलँड्सचे पंतप्रधान मार्क रुट यांच्याशी दूरध्वनीवरून संपर्क साधत चर्चा केली. दोन्ही नेत्यांनी युक्रेनमधील सद्यस्थितीबाबत चर्चा केली आणि तेथील मानवतावादी स्थिती कायम राहण्याविषयी चिंता व्यक्त केली.
पंतप्रधान मोदी यांनी तेथील संघर्षाची परिस्थिती नियंत्रणात आणून चर्चा आणि वाटाघाटींच्या मार्गाने दोन्ही बाजूंमध्ये संवाद पुन्हा प्रस्थापित करण्यासाठी भारतातर्फे सतत विनंती करत असल्याचा पुनरुच्चार केला. रशिया आणि युक्रेन यांच्यात सुरु असलेल्या वाटाघाटींचे मोदी यांनी स्वागत केले आणि या परिस्थितीवर लवकरात लवकर तोडगा निघेल अशी आशा व्यक्त केली.
युक्रेनमधील संघर्षग्रस्त भागातून भारतीय नागरिकांना सुरक्षितपणे बाहेर काढण्यासाठी सुरु असलेल्या कार्याच्या तसेच या संकटाची झळ लागलेल्या स्थानिक नागरिकांना औषधांसह इतर मदत सामग्रीच्या भारतातर्फे होत असलेल्या पुरवठ्याच्या प्रगतीबद्दल पंतप्रधान मोदी यांनी पंतप्रधान रूट यांना माहिती दिली.
पंतप्रधान मोदी यांनी पंतप्रधान रूट यांच्याशी एप्रिल २०२१ मध्ये झालेल्या डिजिटल शिखर परिषदेचे स्मरण केले आणि पंतप्रधान रूट यांचे शक्य तितक्या लवकर भारतात स्वागत करता यावे अशी इच्छा व्यक्त केली.
कोलकाता: इंडियन प्रीमियर लीग २०२५मध्ये कोलकाता नाईट रायडर्सचा गुजरात टायटन्सविरुद्ध लाजिरवाणा पराभव झाला आहे. गुजरातने…
२४ एप्रिलला एकनाथ शिंदे यांची शक्तिप्रदर्शन सभा! सिंधुदुर्ग : राज्याचे उपमुख्यमंत्री आणि शिवसेना पक्षप्रमुख एकनाथ…
माजी नगरसेवक राकेश कांदे यांचा वैभव नाईकांना थेट इशारा सिंधुदुर्ग : चेंदवण येथील सिद्धिविनायक उर्फ…
लहान नाल्यातील गाळ काढण्यापूर्वीचे आणि नंतरचे सीसीटीव्हीद्वारे चित्रीकरण मुंबई (खास प्रतिनिधी): पावसाळापूर्व कामांचा भाग म्हणून…
PM Modi : आजची धोरणे, निर्णय पुढील हजार वर्षांच्या भविष्याला आकार देणार आहेत : पंतप्रधान…
World Earth Day 2025: आपली शक्ती, आपला ग्रह - विश्व पृथ्वी दिन २०२५ मुंबई :…