मिळालेल्या माहितीनुसार, सोमवारी सकाळी ५.१५ च्या सुमारास मुस्तफा बाग परिसरातील लाकडाच्या गोदामाला ही भीषण आग लागली होती. अग्निशमन दलाच्या आठ गाड्या आणि पाण्याचे टँकरच्या मदतीने या आगीवर ९ वाजता नियंत्रण मिळवले. त्यानंतर कुलिंग ऑपरेशन करण्यात आले. या आगीत कोणालाही दुखापत झाल्याची माहिती समोर आलेली नाही. मात्र ही आग नेमकी कशामुळे लागली याचा तपास सुरू आहे. ही आग लेवल २ ची होती, अशी माहिती विभागीय अग्निशमन अधिकारी के.डी. घाडीगावकर यांनी दिली.
