मुंबई : कोरोनाच्या वाढत्या संसर्गानंतर राज्यात नवे निर्बंध लागू करण्यासाठीचे नियम शनिवारी रात्री जाहीर करण्यात आले आहेत. यामध्ये आता सलून, ब्युटी पार्लर आणि जीम संदर्भातील निर्बंधात बदल करण्यात आला आहे. याबाबतचे नवे आदेश रविवारी जारी करण्यात आले आहेत. १० जानेवारीपासून हे आदेश लागू होणार आहेत. यापैकी जीम, ब्युटी सलून आणि हेअर कटिंग सलून ५० टक्के क्षमतेसह सुरु ठेवता येईल. याआधी ते बंद ठेवण्याचे आदेश देण्यात आले होते.
दरम्यान, सलूनसाठी ५० टक्के क्षमतेसह उघडे राहण्याची परवानगी दिली आहे. मात्र सलूनमध्ये मास्क काढता येणार नाही अशाच सेवा सुरु राहतील. फक्त अशाच कामांना परवानगी असेल ज्यांना कोणाला मास्क काढण्याची गरज नाही. केवळ पूर्ण लसीकरण झालेल्या व्यक्तींनाच या सेवा वापरण्याची परवानगी असेल. सलून मधील कर्मचारी पूर्णपणे लसीकरण केलेले असतील, असे निर्बंध घालण्यात आले आहेत.
