Saturday, July 20, 2024
Homeताज्या घडामोडीअभिनेता जॉन अब्राहम आणि पत्नी प्रियाला कोरोनाची लागण

अभिनेता जॉन अब्राहम आणि पत्नी प्रियाला कोरोनाची लागण

मुंबई : ओमायक्रॉनचा नवीन व्हेरीयंट समोर आल्यापासून जगभरात चिंताजनक परिस्थिती निर्माण झाली आहे. गेल्या काही दिवसांत राजकीय नेत्यांसह सेलिब्रिटींना कोरोनाने घेरल्याचे दिसून आले आहे. आतापर्यंत अनेक बॉलिवूड सेलिब्रिटींना कोरोनाचा फटका बसला आहे. दरम्यान अभिनेता जॉन अब्राहम आणि त्याची पत्नी प्रिया रुंचाल या दोघांना कोरोनाची लागण झाली आहे. जॉनने सोशल मीडियाच्या माध्यमातून सांगितले की, त्याला आणि त्याच्या पत्नीला कोरोना व्हायरसची लागण झाली आहे.

जॉन अब्राहमने आपल्या इन्स्टाग्रामवर लिहिले, ‘तीन दिवसांपूर्वी मी एका व्यक्तिच्या संपर्कात आलो. ज्याबद्दल मला नंतर कळले की तो व्यक्ती कोविड पॉझिटिव्ह होता. आता प्रिया आणि मलाही कोरोना झाला आहे आणि आम्हा दोघांना घरी क्वारंटाईन केले आहे. आम्ही कोणाच्याही संपर्कात नाही. आम्हा दोघांचेही लसीकरण करण्यात आले आहे. कोरोनाचे अतिशय सौम्य लक्षणे आहेत. तुम्ही सर्वांनी स्वतःची काळजी घ्या आणि सुरक्षित रहा. मास्क घालत राहा.

दरम्यान, बॉलीवूडमध्ये गेल्या काही दिवसांमध्ये सीमा खान, करीना कपूर खान, अर्जुन कपूर, रिया कपूर, नोरा फतेही, मृणाल ठाकूर कोरोनाचे बळी ठरले आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -