याबाबत महाड शहर पोलिसांकडून मिळालेली माहिती अशी की, मुंबई नालासोपारा येथे राहणारे राकेश यादव हे आपल्या ताब्यातील बुलेट क्रमांक एम एच ४८ टीएफ ७९९ वरून महाडच्या दिशेने येत होते. आज शुक्रवारी दुपारी पावणे बारा वाजण्याचे सुमारास ते वहूर गावचे हद्दीत पुढे जाणाऱ्या एका वाहनाला भरधाव वेगात ओव्हरटेक करत असताना समोरून महाडकडून वहूरच्या दिशेने येत असलेल्या विक्रम रिक्षा क्रमांक एम एच ०६ जे १५०३ वर ड्रायव्हर साईडचे बाजूस धडकल्याने झालेल्या अपघातात गंभीररीत्या जखमी होऊन दुचाकीस्वार राकेश यादव याचा मृत्यू झाला.
तसेच विक्रम रिक्षाचालक इम्तीयाज अब्दुल रेहमान (वय ३२, रा. वहूर मोहल्ला) हे जखमी होऊन त्यांचे पायाला दुखापत झाली आहे. या रिक्षातून ३ शाळकरी मुले प्रवास करत होती. मात्र सुदैवाने त्यांना कोणतीही दुखापत झाली नाही. या अपघाताची नोंद महाड शहर पोलीस ठाण्यात करण्यात आली आहे.
