Saturday, July 20, 2024
Homeताज्या घडामोडीजानेवारीपासून सिद्धेश्वर, उद्यान एक्स्प्रेसने आरामदायी प्रवास

जानेवारीपासून सिद्धेश्वर, उद्यान एक्स्प्रेसने आरामदायी प्रवास

सोलापूर , – सोलापूर – मुंबई सिद्धेश्वर एक्स्प्रेस व मुंबई – बंगळुरू उद्यान एक्स्प्रेस या दोन गाड्यांना एसी थ्री टियर इकॉनॉमी क्लासचे कोच नव्याने जोडण्यात येणार आहेत. २१ ते २२ जानेवारीदरम्यान या डब्यांची नव्याने जोडणी करण्यात येणार आहे. त्यामुळे कमी खर्चाच्या तिकिटात आता एसीने प्रवास करणे सहज शक्य होणार आहे. सध्या थ्री टियर एसीच्या डब्याने प्रवास करताना किमान ८०० ते १२०० पर्यंत रक्कम मोजतात. मात्र आता या रकमेपेक्षा कमी रकमेत इकॉनॉमी डब्याने प्रवास करू शकणार आहेत.

पूर्वीच्या साध्या डब्याने प्रवास करताना आसनांची संख्या ७२ असायची. आता या इकॉनाॅमी कोचमध्ये आसनाची संख्या ही ८३ करण्यात आली आहे. या कोचमध्ये ६ सीसीटीव्ही कॅमेरे आणि प्रत्येक डब्यात दिव्यांगांसाठी एक विशेष स्वच्छतागृह आहे. याशिवाय स्वयंचलित वॉश बेसिन, प्रत्येक सीटवर चार्जिंग पॉइंट आणि एसी कंट्रोलर आहे. या शिवाय हे बर्थ फायरप्रूफ आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -