Tuesday, July 16, 2024
Homeताज्या घडामोडीमहिला पोलीस कर्मचा-याची गळफास लावून आत्महत्या

महिला पोलीस कर्मचा-याची गळफास लावून आत्महत्या

गोंदिया : पोलीस ठाण्यात कार्यरत महिला पोलीस कर्मचा-याने आपल्या घरी गळफास लावून आत्महत्या केल्याची घटना गोंदिया जिल्ह्याच्या सालेकसा येथे घडली आहे. ज्योती यशवंत बघेले (वय २८) असे मृत महिला पोलीस कर्मचा-याचे नाव आहे. या प्रकारामुळे पोलीस प्रशासनात खळबळ माजली आहे. आत्महत्येचे कारण अद्याप अस्पष्ट असून प्रकरण संशयास्पद असल्याचे बोलले जात आहे.

ज्योती बघेले ही सालेकसा पोलीस ठाण्यात महिला पोलीस शिपाई पदावर कार्यरत होती. तिचे लग्न सन २०१७ मध्ये पांढरी पाउलदौना येथील रहिवासी रमेश गिरिया याच्याशी झाले होते. पती रमेश गिरिया सुद्धा सालेकसा पोलीस ठाण्यात सी-६० पथकामध्ये कार्यरत आहे. दोन्ही पती-पत्नी, अडीच वर्षाचा मुलगा व आपल्या वडिलासह सालेकसा येथे भाड्याच्या घरात राहत होते.

नेहमीप्रमाणे दोन्ही पती-पत्नी आपापल्या कार्यस्थळी कर्तव्यावर गेले होते. ज्योती सालेकसा पोलीस ठाण्यात कार्य करीत असताना, अचानक ती आपल्या घरी निघून गेली, नंतर माहीत झाले की तिने आपल्या खोलीत गळफास लावला.

घटनेची माहिती मिळताच सालेकसा पोलीस घटनास्थळी पोहोचत ज्योतीला फासावरून खाली उतरवून ग्रामीण रुग्णालय सालेकसा येथे उपचारासाठी नेण्यात आले. परंतु स्थिती गंभीर झाल्यामुळे पुढील उपचारासाठी गोंदिया शहरातील एका खासगी रुग्णालयात हलविण्यात आले. परंतु तेथील डॉक्टरांनी तिला मृत घोषित केले असून गोंदियाच्या वैद्यकीय महाविद्यालयात उत्तरीय तपासणीसाठी आणण्यात आले.

आत्महत्या कोणत्या कारणामुळे केली, याची माहिती मिळू शकली नाही. सदर प्रकरण संशयास्पद असल्याचे बोलले जात असून सालेकसा पोलिसांनी प्रत्येक दिशेने प्रकरणाचा तपास सुरू केला आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -