Tuesday, July 16, 2024
Homeताज्या घडामोडीकोळी बांधवांसाठी अद्यावत मार्केट उभारणार

कोळी बांधवांसाठी अद्यावत मार्केट उभारणार

भाजप आमदार रविशेठ पाटील

देवा पेरवी

पेण : ‘पेणमधील कोळी बांधवांसाठी भविष्यात अद्ययावत असे मच्छिमार्केट उभारणार’, असा संकल्प भाजप आमदार रविशेठ पाटील यांनी नुकताच येथे व्यक्त केला. पेणमधील कोळी बांधवांसाठीच्या नियोजित मच्छिमार्केटच्या कामाचे भूमिपूजन आमदार पाटील यांच्या हस्ते व नगराध्यक्षा प्रीतम पाटील यांच्या उपस्थितीत करण्यात आले.

यावेळी आमदार रविशेठ पाटील, नगराध्यक्षा प्रीतम पाटील, गटनेते अनिरुद्ध पाटील, सभापती दर्शन बाफणा, नगरसेविका शेहनाज मुजावर, नगरसेविका देवता साकोस्कर, नगरसेविका अश्विनी शहा, नगरसेवक अजय क्षिरसागर, कोळीवाडा पंचकमिटी अध्यक्ष आदींसह कोळी बांधव उपस्थित होते.

रविशेठ पाटील यांनी सांगितले की ‘कोळी समाज अतिशय कष्टाळू असून येथील महिला वर्ग सकाळपासून मच्छीविक्री करीत असतो. अशा या कष्टकरी समाजासाठी एक सुसज्ज मार्केट बांधण्याचा आपला प्रयत्न असून लवकरच आपण हा मानस पूर्ण करू असे म्हणाले. नवीन मार्केटसाठी जागा, सोयी सुविधा उपलब्ध करून देण्याचे काम आगामी काळात नगराध्यक्षा नक्कीच करतील. मी आपल्या सेवेसाठी नेहमी उपलब्ध असून कधीही कोणती चूक होत असेल तर आपण नक्कीच माझ्या निदर्शनास आणून द्या. ती चूक नक्कीच सुधारली जाईल. मंत्री पदाच्या काळात सातपाटी सारख्या ठिकाणी केलेल्या विकास कामांची आठवण यावेळी रविशेठ पाटील यांनी उपस्थितांना सांगितली. राजकारण न करता समाजाच्या उन्नतीसाठी सर्व कोळी बांधवानी एकत्रित राहावे, एकसंघ राहावे असे आवाहन पाटील यांनी कोळी बांधवाना केले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -