नवी दिल्ली : ब्राझीलचे महान फुटबॉलपटू पेले यांना मोठ्या आतड्याचा कॅन्सर असल्याने त्यावर केमोथेरपी करण्यासाठी रुग्णालयात दाखल करण्यात आले आहे. पेले यांच्यावर साओ पावलो येथील अलबर्ट आईनस्टाईन रुग्णालयात उपचार सुरू आहेत. याबाबतची माहिती पेले यांच्या प्रवक्त्यांनी दिली.
सध्या पेले यांची प्रकृती स्थिर असून त्यांना येत्या काही दिवसात रुग्णलायातून सुट्टी मिळेल, असेही त्या प्रवक्त्यांनी सांगितले. दरम्यान, पेले यांच्या मोठ्या आतड्यातील ट्युमरवर सप्टेंबरमध्ये शस्त्रक्रीया करण्यात आली होती.
८१ वर्षीय पेले यांनी ब्राझीलला तीन वेळा वर्ल्डकप जिंकून दिला होता. फिफाने २००० मध्ये पेले यांना प्लेयर ऑफ द सेंच्युरी हा पुरस्कार अर्जेंटिनाच्या डिएगो मॅराडोना यांच्याबरोबर विभागून दिला होता.
