Tuesday, July 16, 2024
Homeताज्या घडामोडीसीडीएस जनरल बीपीन रावत यांचे हेलिकॉप्टर अपघातग्रस्त

सीडीएस जनरल बीपीन रावत यांचे हेलिकॉप्टर अपघातग्रस्त

चेन्नई, : तामिळनाडूत लष्कराचं हेलिकॉप्टर दुर्घटनाग्रस्त झाले आहे. कोईम्बतूर आणि सुलूरदरम्यान कुन्नूर येथे हे एमआय-17व्ही 5 हेलिकॉप्टर कोसळले. अपघाताच्या वेळी हेलिकॉप्टरमध्ये अनेक वरिष्ठ अधिकारी प्रवास करत होते. संरक्षण दलाचे प्रमुख जनरल बिपीन रावत आणि त्यांची पत्नी देखील हेलिकॉप्टरमधून प्रवास करत होते. भारतीय हवाई दलाने ट्वीट करत माहितीला दुजोरा दिला आहे.

तामिळनाडूत कोईम्बतूर आणि सुलूरदरम्यान कुन्नूर येथे सैन्याचे हेलिकॉप्टर कोसळून दुर्घटना झाली. लष्कराच्या वरिष्ठ अधिकाऱ्यांसह सीडीएस जनरल बिपीन रावत आणि त्यांचे कुटुंबीय या एमआयड-17 व्ही5 हेलिकॉप्टरमधून प्रवास करत होते. हेलिकॉप्टर दुर्घटनाग्रस्त झाल्यानंतर त्याला आग लागली.

घटनास्थळी बचावकार्य सुरु करण्यात आले असून स्थानिकदेखील मदत करत आहेत. मात्र अपघात झालेलं ठिकाण डोंगराळ भागामध्ये असल्याने तिथे पोहचण्यास अडचण आली. या हेलिकॉप्टरमधून एकूण 14 जण प्रवास होते. यामध्ये सीडीएस बिपीन रावत, त्यांच्या पत्नी, मधुलिका रावत, ब्रिगेडिअर एल.एस. लिड्डर, लेफ्टनंट कर्नल हरजिंदर सिंग, नायक गुरुसेवक सिंग, जितेंद्र कुमार, विवेक कुमार, बी. साईतेजा आणि हवालदार सतपाल यांचा समावेश आहे.

या घटनेची चौकशी करण्याचे आदेश तसेच समिती स्थापन करण्यात आल्याचे भारतीय वायू सेनेने ट्वीटरद्वारे स्पष्ट केले आहे. ही समिती या अपघाताचा तपास करेल. संरक्षणमंत्री राजनाथ सिंग संसदेत या घटनेची माहिती देणार आहेत. आतापर्यंत घटनास्थळी ११ मृतदेह सापडले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -