एलपीजी गॅस सिलिंडर १०० रुपयांनी का महागले?

मुंबई : डिसेंबरच्या पहिल्याच दिवशी १०० रुपयांनी एलपीजी गॅस सिलिंडर महागल्याने सर्वसामान्यांना महागाईचा मोठा फटका बसला आहे.

सरकारी तेल विपणन कंपन्यांनी १ डिसेंबरपासून एलपीजी गॅस सिलिंडरच्या दरात वाढ केली आहे. यामुळेच एलपीजी गॅस सिलिंडर १०० रुपयांनी महागले आहेत.

देशातील सर्वात मोठी सरकारी तेल कंपनी इंडियन ऑइल कॉर्पोरेशनने १९ किलोच्या व्यावसायिक गॅस सिलिंडरच्या दरात प्रति सिलेंडर १०३.५० रुपयांनी वाढ केली आहे.

दिल्लीत १९ किलो व्यावसायिक गॅसची किंमत १०० रुपयांनी वाढून २१००.५० रुपये झाली आहे. मुंबईत व्यावसायिक गॅसचा दर २,०५१ रुपयांवर गेला आहे. यापूर्वी याची किंमत १,९५० रुपये होती. येथे १०१ रुपयांची वाढ झाली आहे.

दरम्यान, तेल कंपन्यांनी सर्वसामान्यांच्या वापरासाठी १४.२ किलो विनाअनुदानित (विना सबसिडी) एलपीजी सिलिंडरच्या किमतीत कोणतीही वाढ केलेली नाही.