Tuesday, July 16, 2024
Homeताज्या घडामोडीपेंग्विन देखभालीसाठीची मुदतवाढ महागात

पेंग्विन देखभालीसाठीची मुदतवाढ महागात

४३ दिवसांसाठी तब्बल ४५ लाखांचा खर्च

मुंबई (प्रतिनिधी) : अनेकदा वादाचा विषय ठरलेल्या पेंग्विनच्या देखभालीसाठी कंत्राटदाराला दिलेल्या मुदतवाढीमध्ये पालिकेला केवळ ४३ दिवसांसाठी तब्बल ४५ लाखांचा खर्च झाल्याचे समोर आले आहे. त्यामुळे पेंग्विन देखभालीसाठीची मुदतवाढ महागात पडल्याचे दिसते. याबाबतचा प्रस्ताव गुरुवारी होणाऱ्या स्थायी समितीच्या पटलावर मांडण्यात आला आहे.

पेंग्विन देखभालीसाठी पालिकेने २०१८ साली कंत्राट दिले होते. या कंत्राटाची रक्कम ११ कोटी ४६ लाख रुपये होती. हे कंत्राट सप्टेंबर २०२१ ला संपणार होते. मात्र नव्या कंत्राटदाराची नियुक्ती न झाल्याने पालिकेने याच कंत्राटदाराला मुदतवाढ दिली आहे. सुरुवातीला ४३ दिवसांची मुदत वाढ दिली असून यात ४३ दिवसांसाठी ४५ लाख ८४ हजार रुपये देण्याचा निर्णय घेतला आहे. याबाबतचा प्रस्ताव गुरुवारी होणाऱ्या स्थायी समितीच्या पटलावर मांडण्यात आला आहे. दरम्यान जर नवा कंत्राटदार मिळाला नाही, तर याच कंत्राटदाराला पुढे मुदत वाढ देण्यात येणार आहे.

महापालिकेने पेंग्विनच्या देखभालीसाठी मागवलेल्या निविदांवर वाद निर्माण झाल्याने सुधारित निविदा मागविण्यात आल्या होत्या. आता निविदा भरण्याची मुदत संपली असून महिनाभरात नव्या कंत्राटदाराची नियुक्ती होण्याची शक्यता आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -