Tuesday, July 16, 2024
Homeताज्या घडामोडीपालिकेकडून ३५ अतिक्रमणे जमीनदोस्त

पालिकेकडून ३५ अतिक्रमणे जमीनदोस्त

जोडरस्ता प्रकल्पातील अडथळा हटवला

मुंबई (प्रतिनिधी) : मुंबई महापालिकेकडून सुरू असलेल्या गोरेगाव – मुलुंड जोडरस्ता बांधकामामध्ये अडथळा ठरत असलेली ३५ अतिक्रमणे पी/दक्षिण विभाग कार्यालयाने जमीनदोस्त केली आहेत. आतापर्यंत पी/दक्षिण विभाग हद्दीतील एकूण २,२४० मीटर लांबीच्या रस्त्यांपैकी २,१५० मीटर रस्त्यावरील अतिक्रमित बांधकामे हटवण्यात आली आहेत.

पूर्व आणि पश्चिम उपनगरातील वाहतूक कोंडी समस्येतून दिलासा देण्यासाठी गोरेगांव – मुलुंड जोडरस्ता हा प्रकल्प अत्यंत महत्त्वाचा ठरणार आहे. या प्रकल्पाच्या निर्मितीमध्ये अडथळा ठरणारी एकूण १०१ अतिक्रमणे निश्चित करुन कारवाई प्रस्तावित करण्यात आली होती. तर पी/दक्षिण विभाग कार्यालयाच्या हद्दीतील १५० फूट रुंदीच्या जनरल अरुणकुमार वैद्य मार्गाच्या दक्षिणेकडील व चित्रनगरी रस्त्याच्या पश्चिमेकडील अशा एकूण २,२४० मीटर लांबीच्या रस्ता रेषांमध्ये ही अतिक्रमणे होती.

यापैकी पहिल्या टप्प्यात जनरल अरुणकुमार वैद्य मार्गावरील ५२ अतिक्रमित बांधकामे २ वर्षांपूर्वी काढली गेली. तर दुसऱ्या टप्प्यात ३५ अतिक्रमित बांधकामे हटवण्याची कारवाई पी/दक्षिण विभागाने पूर्ण केली. या कारवाईमुळे २१० मीटर लांबीची रस्त्याच्या पश्चिमेकडील बाजूची जागा गोरेगाव – मुलुंड जोडरस्ता रुंदीकरणासाठी उपलब्ध झाली आहे. त्याचबरोबर अखेरची शिल्लक असलेली १४ अतिक्रमित बांधकामे लवकरच प्राधान्याने काढण्यात येऊन रस्ता रुंदीकरण करण्यात येणार आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -