Sunday, July 14, 2024
Homeक्रीडास्कॉटलंडचा सलग दुसरा विजय

स्कॉटलंडचा सलग दुसरा विजय

पापुआ न्यू गिनीला हरवत गुणतालिकेत अव्वल स्थानी

अल-अमिरात (वृत्तसंस्था): पापुआ न्यू गिनी संघावर (पीएनजी) १७ धावांनी मात करत स्कॉटलंडने टी-ट्वेन्टी वर्ल्डकपसलग दुसरा विजय नोंदवला. तसेच चार गुणांसह पहिल्या फेरीत (ब गट गुणतालिकेत अव्वल स्थान पटकावले.

स्कॉटलंडचे १६५ धावांचे आव्हान पीएनजी संघाला पेलवले नाही. त्यांचा डाव १९.३ षटकांत १४८ धावांवर आटोपला. पापुआ न्यू गिनीला सुरुवातीलाच दोन धक्के बसले. त्यांचे टॉनी उरा, लेगा सायका, अस्साद वाला, चार्ल्स अमिनी आणि सिमॉन अटई स्वस्तात बाद झाले. त्यामुळे ६ बाद ६७ धावा अशी त्यांची अवस्था झाली. सेसे बाऊ (२४ धावा)आणि नॉर्मन वानुआने चांगली खेळी केली. मात्र विजय मिळवून देण्यात अपयश आले. नॉर्मन वानुआ ४७ धावा करून बाद झाला. तिथेच पीएनजीचा पराभव निश्चित झाला. स्कॉटलंडकडून मध्यमगती गोलंदाज जोशुआ डॅवीने ४ विकेट घेत विजयात मोलाचे योगदान दिले.

त्याआधी, स्कॉटलंडने प्रथम फलंदाजी करताना ९ बाद १६५ धावा केल्या. त्याचे क्रेडिट रिची बेरिंगटनला जाते. त्याने ४९ चेंडूंत ७० धावांचे सर्वाधिक योगदान दिले. जॉर्ज मुनसी (१५) आणि काइल कोएत्झर (६) ही सलामी जोडी अपयशी ठरल्यानंतर मॅथ्यू क्रॉस आणि रिची बेरिंगटन यांनी तिसऱ्या विकेटसाठी ९२ धावांची भागीदारी करत संघाला मोठी धावसंख्या उभारून देण्यात मोलाचा वाटा उचलला. मॅथ्यू क्रॉसने ४५ धावा तर रिची बेरिंगटनने ७० धावांची खेळी केली. त्यानंतर मैदानात आलेले फलंदाज चांगली कामगिरी करू शकले नाही. एका पाठोपाठ एक करत बाद झाले. कलुम मॅकलेड (१०), मायकल लीक्स (९), ख्रिस ग्रीव्ह (२), मार्क वॅट (०), जोश डॅवे (०) अशी धावसंख्या करून बाद झाले. पापुआ न्यू गिनीकडून कॅबुओ मोरियाने सर्वाधिक ४ विकेट घेतल्या.

स्कॉटिश मुख्य फेरीच्या दिशेने

स्कॉटलंडचा संघ पात्रता फेरीतील ब गटात दोन विजयांसह अव्वल स्थानी आहे. स्कॉटलंडच्या खात्यात आता ४ गुण असून धावगती +०.५७५ इतकी आहे. स्कॉटलंडचा गटातील तिसरा आणि अंतिम सामना ओमानविरुद्ध आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -