Friday, March 29, 2024
Homeदेशगरिबांना मिळणारे धान्य वॅगनमध्ये सडले

गरिबांना मिळणारे धान्य वॅगनमध्ये सडले

७६२ किलोमीटरचा प्रवास करण्याकरिता रेल्वेने घेतले वर्ष

गिरिडीह (छत्तीसगड) : न्यू गिरिडीह रेल्वे स्थानकाच्या फलाटावर तांदळाची एक नव्हे, तर एक हजार पोती पडून आहेत. हे धान्य अवघ्या दहा दिवसांपूर्वी छत्तीसगडहून गिरिडीहला पोहोचले आहे. तुम्हाला वाटेल की यात मोठे काय आहे. पण हे प्रकरण जाणून घेतले, तर धक्का बसेल. कारण आपल्या रेल्वे यंत्रणेला छत्तीसगड ते गिरिडीह असा ७६२ किलोमीटरचा प्रवास करण्यासाठी एक वर्ष लागले. सरकारी यंत्रणेच्या या दुर्लक्षामुळे गोरगरिबांना मिळणारे धान्य आता सडले आहे.

२०२१ मध्येच तांदूळ रेल्वेत भरला होता. मात्र तांत्रिक कारणामुळे ही वॅगन येथे पोहोचू शकली नाही. वॅगनमध्ये एक हजार पोती आहे. त्यामध्ये दोनशे ते तीनशे पोती धान्य खराब झाल्याचेही आढळून आले. वॅगनमध्ये आलेला तांदूळ दीड वर्षांचा असून तो खराब झाला होता. १७ मे रोजी लोखंडी रेकसोबत एफसीआयची धान्याने भरलेली वॅगनही आली होती. एफसीआय सेन्सरने धान्य खराब असल्याने घेतले नाही. तेव्हापासून रॅक पॉइंटवरच धान्य पडून आहे. ३१ मे रोजी रेल्वेचे अधिकारी पोहोचतील. त्यानंतर पुढील तपास केला जाईल, असे स्टेशन मास्तरकडून सांगण्यात आले.

हे धान्य मोकळ्या आकाशाखाली पडून आहे. संरक्षणासाठी या गोण्यांवर तळवट टाकण्यात आले आहे. असे असतानाही पावसाचे पाणी या पोत्यांमध्ये शिरत आहे. तांदूळ खूप जुना आणि मोठ्या प्रमाणात कुजला आहे. हे धान्य पाहिल्यावर स्पष्ट होते. हे धान्य गिरिडीह येथील एफसीआयच्या गोदामात जाणार होते.

धान्य आल्यानंतर एफसीआयचे कर्मचारी, सेन्सर, धान्य तपासण्यासाठी आलेले वॅगन उघडले असता अनेक पोती धान्य सडल्याचे दिसून आले. सर्व धान्य वॅगनमधून काढून रॅक पॉइंटवर ठेवण्यात आले. रॅक पॉइंटवर हजारो पोती धान्य ठेवल्यानंतर एफसीआय आणि गोदामातील सेन्सरने धान्य स्वीकारण्यास नकार दिला. हे धान्य एक वर्ष जुने असून सडल्याचे सांगण्यात आले. तेव्हापासून धान्य खुल्या आकाशाखाली आहे.यादरम्यान रेल्वे कर्मचाऱ्यांनी सांगितले की, वॅगन उघडल्यानंतर एफसीआयच्या लोकांनी धान्य तपासले आणि सांगितले की, धान्य जुने असून ते खराब होत आहे. यानंतर धान्याची सर्व पोती उतरवली असून, त्यानंतरच ती घेतली जाईल, असे सांगण्यात आले. तेव्हा सेन्सर या सर्व प्रकरणाची आता कसून चौकशी करण्याची मागणी होत आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -