Friday, March 29, 2024
Homeमहाराष्ट्रकोकणपाषाणे ग्रा.पं.मधील शिवसेना कार्यकर्त्यांचा भाजपमध्ये प्रवेश

पाषाणे ग्रा.पं.मधील शिवसेना कार्यकर्त्यांचा भाजपमध्ये प्रवेश

नेरळ (वार्ताहर) : कर्जत तालुक्यातील पाषाणे ग्रामपंचायतमधील शिवसेनेचे कार्यकर्ते यांनी भारतीय जनता पक्षात प्रवेश केला आहे. पनवेल येथे त्या कार्यकर्त्यांनी भाजपत प्रवेश केला असून आमदार आणि पक्षाचे जिल्हा अध्यक्ष प्रशांत ठाकूर यांनी त्यांचे पक्षात स्वागत केले.

पाषाणे ग्रुपग्रामपंचायतमधील पाषाणे, माले, आसे या गावांतील कार्यकर्त्यांनी भारतीय जनता पक्षात प्रवेश केला. पनवेल येथे पक्षाच्या जिल्हा कार्यालयात झालेल्या पक्षप्रवेश कार्यक्रमात शिवसेना पक्षातून भाजपमध्ये प्रवेश केला. त्यावेळी आमदार आणि भाजप जिल्हा अध्यक्ष प्रशांत ठाकूर यांनी सर्व कार्यकर्त्यांचे भाजपमध्ये स्वागत केले. भाजप कर्जत तालुका अध्यक्ष मंगेश म्हसकर, युवक कार्यकर्ते किरण ठाकरे, भाजप युवा मोर्चा तालुका अध्यक्ष प्रमोद पाटील आणि युवा मोर्चा तालुका सरचिटणीस राहुल बदे आदी उपस्थित होते.

पाषाणे ग्रामपंचायतमधील सदस्य रोहन पाटील यांच्या नेतृत्वाखाली संभाजी वेहेले, दशरथ वेहेले, निलेश ऐनकर, नरेश धुळे, जगदीश धुळे, किरण नाईक, रोशन पाटील, समीर निचिंदे, सतीश जोशी, गणेश दिघे, सतीश दिघे, हेमंत निचिंदे, राम जोशी, सुनील दळवी, अविनाश जोशी या कार्यकर्त्यांनी शिवसेनेतून भाजपमध्ये प्रवेश केला.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -