Friday, March 29, 2024
Homeताज्या घडामोडीनायर रुग्णालय हलगर्जीपणा प्रकरणी पालिका सभेत भाजप-सेना भिडली

नायर रुग्णालय हलगर्जीपणा प्रकरणी पालिका सभेत भाजप-सेना भिडली

अध्यक्षांना घेराव

मुंबई (प्रतिनिधी) : मुंबई महापालिकेच्या सर्वसाधारण सभा शुक्रवारी वादळी झाली. नायर रुग्णालय प्रशासनाच्या हलगर्जीपणाच्या निषेधार्थ भाजपच्या ११ आरोग्य समिती सदस्यांनी राजीनामा राजीनामा दिला आहे. सभागृहात या राजीनाम्याबद्दलच्या उल्लेखावरून भाजप आणि शिवसेना नगरसेवक भिडले. तर भाजप नगरसेवकांनी स्थायी समिती अध्यक्ष यशवंत जाधव यांना घेराव घातला.

नायर रुग्णालय प्रशासनाच्या हलगर्जीपणाच्या निषेध करत भाजपच्या ११ आरोग्य समिती सदस्यांनी राजीनामा दिला आहे. सभागृहात या राजीनाम्याबद्दल उल्लेख केल्याने भाजप आणि शिवसेना नगरसेवकांमध्ये बाचाबाची सुरू झाली. हळूहळू सभागृहातील वातावरण तापले. त्यानंतर भाजप नगरसेवकांनी स्थायी समिती अध्यक्षांना घेराव घातला. तर दोन्ही पक्षांमध्ये शाब्दिक चकमक उडाली. त्यामुळे १५ मिनिटांकरता सभागृहाचे कामकाज तहकूब केले.

दरम्यान सभागृह नेत्या विशाखा राऊत यांनी हरकतीच्या मुद्द्याद्वारे नायर रुग्णालयातील रुग्णावर झालेल्या दिरंगाईबाबत सभागृहाचे लक्ष वेधून या घटनेचा तीव्र निषेध केला. तर स्थायी समिती अध्यक्ष यशवंत जाधव यांनी याला पाठिंबा देत या घटनेबाबत तीव्र निषेध व्यक्त करतानाच भाजपलाही टोला लगावला होता. यामध्ये त्यांनी काही लोक आरोग्य समितीच्या सदस्यत्वाचे राजीनामे देत या प्रकरणाचा शोध घेण्याऐवजी पळ काढतात असे ते म्हणाले.

त्यामुळे भाजप नगरसेवक चिडले. त्यातून भाजप व शिवसेना नगरसेवक आमनेसामने आले. तर स्थायी समिती अध्यक्षांनाही त्यांनी घेराव घातला. दरम्यान सभागृहात गोंधळ झाला व सभागृह देखील बंद पाडले.

दरम्यान याबाबत शिवसेनेची भूमिका बेताल असून गंभीर विषयावर चर्चा असताना यशवंत जाधव यांनी राजकारण केले व भाजपच्या नगरसेवकांनी रुग्णालयाला दिलेली भेट त्यांना झोंबली. तसेच आरोग्य समितीच्या सदस्यांनी दिलेले राजीनामे त्यांना झोंबले. त्यामुळे त्या रुग्णालयात भाजपचे कुणी फिरकले नसल्याचा त्यांनी दावा केला आहे आणि त्यामुळेच भाजपचे नगरसेवक त्यांना घेराव घालण्यास गेले आणि त्यांचा निषेध करण्यासाठी सभागृह बंद पाडले असे भाजप स्थायी समिती सदस्यांनी सांगितले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -